ஆகாயம்
விழிகள் ஆகாயத்தை வருடினாலும்
விரல்கள் என்னவோ சன்னல்
கம்பிகளோடுதான் !
சிறுகுறிப்பு வரைக
அமெரிக்கா
தலையில் எண்ணெய்
தடவுவார்கள் உலகில்
அமெரிக்காவோ
எண்ணெய்க்காகவே
வளைகுடா நாடுகளில்
தலையைத் தடவுகிறது.
ஈராக்
ஈராக் அழிந்து
சிதைந்த பிறகுதான்
தெரிந்தது
பேரழிவு ஆயுதங்கள்
எவர் கையில்
இருந்ததென்பது?
- மு மேத்தாவின் " ஆகாயத்துக்கு அடுத்த வீடு " கவிதை தொகுப்பிலிருந்து
No comments:
Post a Comment